د کابل دکرنې ریاست: د سروبي په اوزبین سیمه کې حیواني روغتیایي کلینیک بیا فعالېږي
د کابل دکرنې، اوبولګولو او مالدارۍ ریاست وایي، چې د هالنډ کمېټې په همکارۍ ددې ولایت د سروبي ولسوالی په اوزبین سیمه کې هغه حیواني روغتیایي کلینیک بیافعالېږي، چې د تخنیکي ستونزو له امله غیر فعال شوی و.
د کابل د کرنې ریاست چارواکي وایي، چې دغه کلینیک د مالدارانو د ستونزو هوارولو په پار بیا فعال او تخنیکي او مسلکي کسان په کې په دنده ګمارل کېږي.
د کابل دکرنې ریاست تل هڅه کوي، چې ددې ولایت مالدارانو ته لازمې اسانتیاوې برابرې او دوی ته د څارویو د ناروغیو مخنیوی او درملنې په پار چوپړتیاوې وړاندې کړي.
