د چارو ښه والي په پار د ځمکو چارو ریاست د مشرتابه غونډه دائره شوه
١٤ زمری ۱۴۰۲ه.ش
١٨ مُحَرَّمُ الحَرام ۱۴۴۵ه.ق
د کرنې، اوبولګولو او مالدارۍ وزارت د ځمکو چارو ریاست لوی رییس ملا عبدالرحمن رحماني د دغه رياست د کار او فعالیتونو د ښه والي په موخه د دې ادارې د استملاک او جیودیزۍ عمومي ریاستونو له مسوولینو سره د یوې غونډې په ترڅ کې خبرې او خپل نظرونه شريک کړل.
ښاغلي ملا عبدالرحمن رحماني د عمومي رياستونو له چارواکو وغوښتل، چې د دغه ادارې په ټولو کاري برخو کې هر اړخیزې هڅې وکړي.
د عمومي ریاستونو مسوولین د ځمکو چارو ریاست له مشرتابه سره د هر ډول همکارۍ ژمنه وکړه او د دغه رياست د ښه والي په پار يې خپل نظرونه هم شریک کړل.
