د پکتیکا پر یوشمېر بزګرانو د لیزرلېول ۹ ماشینونه ووېشل شول
![د پکتیکا پر یوشمېر بزګرانو د لیزرلېول ۹ ماشینونه ووېشل شول](https://www.mail.gov.af/sites/default/files/2019-10/72764556_2760082467349669_9207224024973705216_n.jpg)
۲۰ تله ۱۳۹۸
د کرنې، اوبولګولو اومالدارۍ وزارت په هېواد کې د کرنې د میکانیزه کولو اوعصري کرنیز سیسټم او تکنالوژۍ ترویجولو په پار هلې ځلې کوي. د دغو هلو ځلو یوه برخه د اوبو د ضایعاتو د مخنیوی په موخه د ځمکې د هوارولو لایزري ماشینونو « Laser Level land » دودول دي.
په همدې موخه د کرنې، اوبولګولو او مالدارۍ وزارت د پکتیکا ولایت پر یوشمېر مخکښو بزګرانو د ځمکې هوارولو یا لایزلېول ۹ ماشینونه ووېشل.
ددغو ماشینونو له وېش څخه موخه د کرنیزو ځمکو هوارول، د حاصلاتو کچه لوړول او د اوبو د مصرف کچه ټېټول دي د پکتیکا د کرنې ریاست چارواکي وایي، چې د دې کار موخه دکرنې میکانیزه کول او د عصري کرنیز سیسټم ترویجول دي. له دغو ماشینونو څخه ګټه پورته کول ددې ترڅنګ چې په کرونده کې لږي اوبه مصرفیږي او د اوبولګولو چارې اسانوي، د کتار په ډول کرکېله، خیشاوه او د سرې او تخم شیندلو چارې هم اسانوي او د حاصلاتو د لوړېدا سبب کیږي.
د چارواکو په خبره د کرنیزو ځمکو په هوارولو سره کولای شو چې تر ۴۰ سلنه ډېر حاصل ترلاسه او دغه راز د اوبو له ضایعاتو څخه هم ۲۰ تر ۳۰ سلنه مخنیوی وکړو.
له دغو ماشینونو څخه برخمن شوي بزګران د کرنې وزارت څخه په منني سره وویل، له دغو دستګاوو څخه په استفادې سره به د دوی کرنیز حاصلات ډېر او عواید به یې زیات شي.
باید وویل شي، چې ددغو ماشینونو برخمن شویو بزګرانو ته د کرنې، ابولګولو او مالدارۍ وزارت له خوا د یادو ماشینونو د کارونې په هکله روزنې هم ورکړل شوي دي.