د پکتیکا نهو ولسوالیو کې د مېوه لرونکو ونو ننداریز بڼونه جوړېږي
۱ وری ۱۴۰۳ه.ش
۱۰ رَمَضانُ المُبارَک ۱۴۴۵ه.ق
د پکتیکا دکرنې، اوبولګولو او مالدارۍ ریاست چارواکي وایي، چې په دې ولایت کې د عصري بڼوالۍ دودولو په پار د یوشمېر همکارو مؤسسو په همکارۍ ددې ولایت په نهو ولسوالیو کې د مېوه لرونکو ونو ننداریز بڼونه جوړېږي.
د پکتیکا دکرنې ریییس الحاج مولوی شېرمحمد ذبیح وویل، چې دغه بڼونه په دې ولایت کې د عصري بڼوالۍ دودولو په موخه جوړېږي، چې د سروې چارې یې بشپړې شوي دي، او ډېر ژر به یې عملي چارې پیل شي.
بلخوا د پکتیکا دکرنې، اوبولګولو او مالدارۍ ریاست سره د همکارو مؤسسو له خوا د یوشمېر نیالګیو مرستې هم شوي دي، چې ورسره به ددې ولایت زرغونتیا او سمسورتیا ته زمینه برابره شي.
دغه نیالګي د همکارو مؤسسو له خوا د پکتیکا دکرنې ریاست ته ورکړل شوي دي، ترڅو د کړن لارې مطابق پر خلکو ووېشل شي او په بېلابېلو دولتي او غیر دولتي ادارو کې وکرل شي.
