د پکتیکا د کرنې رییس د امارتي ځمکو د غصب مخنیوي لپاره د ډیلي او جاني خېلو ولسوالیو څخه لیدنه وکړه
۲۸ تله ۱۴۰۳ه.ش
۱۶ رَبِیعُ الْثاني ۱۴۴۶ه.ق
د پکتیکا ولایت د کرنې رییس محمد زمان عمري د ډیلي او جاني خېلو ولسوالیو څخه د امارتي ځمکو د غصب د مخنیوي په موخه لیدنه او څارنه وکړه. په دې لیدنه کې د ولسوالیو ولسوالانو، د استخباراتو مدیرانو، د کرنې او اراضي امریت مدیرانو، قومي مشرانو او سپین ږیرو ګډون درلود او د امارتي ځمکو د غصب د مخنیوي په اړه خبرې او بحثونه وشول. مسؤلینو ته د غصب شویو ځمکو د جدي مخنیوي سپارښتنه وشوه.
د لیدنې په ترڅ کې د ځینو نورو موضوعاتو په اړه هم خبرې وشوې او د حل لپاره یې مسؤلینو ته لازمې لارښوونې وشوې. محمد زمان عمري د خپلو پروژو د تطبیق، راتلونکو کاري پلانونو او خدماتي فعالیتونو په اړه معلومات شریک کړل او د ولس له همکارۍ یې مننه وکړه، همدارنګه یې مسؤلینو ته د هرې برخې لپاره د بشپړې همکارۍ ډاډ ورکړ.
