د پکتیکا دکرنې رییس د «ټیلو» مؤسسې له چارواکو سره وکتل
۹ غویی ۱۴۰۵ه.ش
۱۲ ذُو ٱلْقَعْدَةِ ۱۴۴۷ه.ق
د پکتیکا ولایت د کرنې، اوبو لګولو او مالدارۍ رییس مولوی لعل محمد ګوهر، د ځمکو چارو آمر مولوی تاج محمد زنداني او د کرنې ریاست مرستیال مولوی غازي محمد صدر په شتون کې، د «ټیلو» مؤسسې له چارواکو سره د خپل کار په دفتر کې لیدنه ترسره کړه.
په دې لیدنه کې د «ټیلو» مؤسسې مسؤلینو د خپلو کاري فعالیتونو اړوند موجودې ستونزې او ننګونې د کرنې رییس سره شریکې کړې او د یادو ستونزو د حل په برخه کې یې د همکارۍ غوښتنه وکړه.
همدارنګه، دواړو لورو د راتلونکو پروژو د دوام او تمدید په اړه مفصل بحثونه ترسره کړل او د لا ښه همغږۍ او همکاریو پر پیاوړتیا یې ټینګار وکړ، څو راتلونکې پروژې په اغېزمن او منظم ډول عملي شي.
