د پکتیکا درېیو ولسوالیو کې د انګورو بڼونه جوړېږي
٢۱ لړم ۱۴۰۲ه.ش
٢۸ ربیعالثاني ۱۴۴۵ ه.ق
د پکتیکا ولایت د کرنې، اوبولګولو او مالدارۍ ریاست له خوا ددې ولایت د جانخېل، یحي خېل او خیرکوټ ولسوالیو کي په ۳۰ جریبه ځمکه کي د انګورو بڼونه جوړېږي.
د پکتیکا دکرنې، اوبولګولو او مالدارۍ رییس مولوی شېر محمد ذبیح وایي، چې دغه بڼونه د کرنې وزارت د پراختیایي بودیجې له لارې د یونیم میلیون افغانیو په لګښت جوړېږي، چې په ترڅ کې یې هره ولسوالی کې لس جریبه د انګورو بڼونه جوړېږي.
د یادو بڼونو د جوړولو موخه په دې ولایت کې د انګورو بڼوالۍ ته پراختیا ورکول، خلکو ته دکار زمینه برابرول او په ټوله کې د انګورو بڼونو معیاري کول دي.
