د پکتیا کرنې ریاست کې سکټوري غونډه دائره شوه

د پکتيا ولايت د کرنې، اوبولګولو او مالدارۍ رياست په مقام کې له سکټوري رياستونو او همکارو برنامو سره سکټوري غونډه د ياد رياست د رییس الحاج مولوي عبدالروف سعيد په مشرۍ ترسر ه شوه، چې پکې د چاپیریال ساتنې ریاست، د سينديزې حوزې ریاست، اقتصاد رياست استازو، د کرنې رياست آمرينو او د اړيکو دفتر، سولې ريښې، NAC ، IRC  ، HealTo  او DCA  پروژو مسؤلينو پکې ګډون کړی وو.
د غونډې په پیل کې د پکتیا دکرنې رییس مولوی عبدالروف سعید ګډونوالو ته د ښه راغلاست ترڅنګ د همکارو برنامو د تېرو کړنو د راپورونو او راتلونکو پلانونو له اوريدنې وروسته د همکارو برنامو له مسولينو وغوښتل، چې د کرنې او مالدارۍ په برخه کې د مرستو جلبولو هڅه وکړي، همدا راز ښاغلي سعيد زياته کړه، چې خپلې راتلونکې پروژې د سکټوري رياستونو سره په همغږۍ په لوړ کيفيت سرته ورسوي.
ورپسې د همکارو برنامو مسولينو په خپل وار سره د خپلو ترسره شويو کړنو مفصل راپور وړاندې کړل او خپل راتلونکي پلانونه يې د غونډې له ګډونوالو سره هم شريک کړل.
د غونډې په پای کې ښاغلي سعید د همکارو برنامو مسئولينو ته د پروژو د ښه تطبیق او ستونزو د حل په موخه لازمې لارښوونې هم وکړې.