د پکتیا ولایت د غصب د مخنیوی او غصب شویو ځمکو د تشخیص او تثبیت پلاوې نهمه ناسته ترسره کړه
د پکتیا ولایت د غصب د مخنیوی او غصب شویو ځمکو د تشخیص او تثبیت تخنیکی پلاوی نهمه غونډه ترسره کړه.
یاده غونډه چی د پکتیا ولایت د کرنې، اوبولګولو او مالدارۍ په ریاست کی ترسره شوه، پکې د یادې کمیټې رییس او غړو ګډون درلود.
په دې غونډه کې د یاد پلاوی رییس او غړو د تیرې اوونۍ راپورنه شریک کړل او هر یو پخپل وار سره د راتلونکی دوشنبې ورځې لپاره په پلان شوی عملي طرحه کې خپل نظرونه وړاندې کړل.
د یادولو وړ دی چې د پکتیا ولایت د غصب د مخنیوی او غصب شویو ځمکو د تشخیص او تثبیت تخنیکی ټیم د اسنادو دڅېړلو په موخه پنځه کسیزه پلاوی ټاکلي و، د یاد پلاوی لخوا د څېړل شویو انسادو راپور نوموړی کمیټې ته وړاندې شو.
همدارنګه د غونډې په وروستیو شیبو کې د ځمکو د غصب د مخنيوي کميټې غړو لخوا د پکتیا ولایت روحاني بابا ولسوالۍ اړوند د روحاني بابا څېړنیز فارم تصرف کوونکو ته استعلامونه هم ورکړل ترڅو استعلامونه ځواب کړي او تر دریو ورځو پورې قضاء ام ارت ته وسپاري.
