د پکتیا مرکز ګردیز کې یوشمېر کورنیو ته د هګیو چرګانو فارمونه جوړ شول
۲۱ وږی ۱۴۰۱ه.ش
۱۵ صَفَرالمظفّر ۱۴۴۴ ه.ق
پکتيا ولايت د کرنې، اوبولګولو او مالدارۍ رياست اړوند د پاملرنې مؤسسې له لورې د دې ولایت په مرکزګردیز کې ۳۸ کورنيو ته د هګۍ ورکوونکو چرګانو ۴۰ قطعه يې فارمونه ووېشل شول.
په يادو فارمونو کې هر نفر ته ۴۰ هګې ورکوونکي چرګان، ۲۰۰ کيلو د چرګانو معياري خوراکه، ۳ دانې د دانې خوړولو لوښي، ۳ دانې د اوبو خوړولو لوښي او یوه جوړه چپلکې هم ورکړل شوي دي.
د پکتیا د کرنې سرپرست رییس مولوي احسان الله احسان وايي، چې تر دې وړاندې ذکر شويو کسانو ته د فارمونو د پالنې، تغذيې او واکسينو د استعمال په اړه روزنه هم ورکړل شوې، نوموړی زياتوي چې ياد فارمونه به د ګټه اخيستونکو په اقتصادي وضعيت کې ښه والې راولي.
ددغو فارمونو د وېش موخه په دې ولایت کې د چرګانو روزنې صنعت ته پراختیا ورکول او د بې وزله کورنیو اقتصادي ودې ته زمینه برابرول دي.
