د پکتیا روحاني بابا کې ۱۰۰ کورنیو ته د چرګانو واړه فارمنه جوړ شول
۳۱ چنګاښ ۱۴۰۲ه.ش
۵ مُحَرَّمُ الحَرام ۱۴۴۵ه.ق
د پکتیا ولایت دکرنې، اوبولګولو او مالدارۍ ریاست د کرنې د پراختیا نړیوال صندوق په مالي او د افغانستان لپاره د هالنډ کمېټې په تخنیکي همکارۍ ددې ولایت د روحاني بابا ولسوالی په بېلابېلو کلیو کې ۱۰۰بېوزلې، کونډې او معیوبو ښځو ته د دوی دکورني اقتصاد د پیاوړتیا په پار د هګیو چرګانو واړه فارمونه جوړ کړي دي.
د پکتیا ولايت د کرنې، اوبولګولو او مالدارۍ رياست د چارواکو په خبره ددې مرستې په لړ کې د پکتیا ولایت روحاني بابا په لسوالی کې ۱۰۰ کورنيو ته د هګۍ ورکوونکو چرګانو ۳۰ قطعه يې فارمونه ووېشل شول.
په يادو فارمونو کې هر کس ته ۳۰ هګې ورکوونکي چرګان، د چرګانو معياري خوراکه، د دانې خوړولو لوښې، د اوبو خوړولو لوښې او نور توکي ورکول کېږي، چې دمګړۍ پر دغو کسانو د چرګانو خوراکي توکي او درمل وېشل شوي دي.
ددغو مرستو موخه په دې ولایت کې د چرګانو روزنې صنعت ته پیاوړتیا ورکول او د بېوزله او کونډو مېرمنو اقتصادي ودې ته زمینه برابرول دي.
