د پکتیا دکرنې رییس د منډهیر وړاندیز شوی ملي پارک څخه لیدنه وکړه
۱۹چنګاښ ۱۴۰۳ه.ش
۳ مُحَرَّمُ الحَرام ۱۴۴۶ه.ق
د پکتیا د کرنې، اوبولګولو او مالدارۍ رییس مولوي سید امین هاشمي او ورسره مل پلاوی د منډهیر وړاندیز شوی ملی پارک څخه څارنه او لیدنه ترسره کړه.
نوموړی پلاوی د خپل سفر په ترڅ کې لومړی د اریوب ځاځیو ولسوالی مرستیال سره وکتل او وروسته د منډهیر وړاندیز شوی ملی پارک څخه لیدنه ترسره کړه، چې په ترڅ کې یې قراردادي شرکت ته د پارک ساتلو، کثافاتو راټولولو او سیلانیانو لپاره د لازمو آسانتیاو برابرولو په برخه کې لازمې لارښوونې وکړې.
د یاد سفر موخه د اوبو د ستونزې حل او د خارجي سرک جوړولو لپاره سیمې څخه هم لیدنه وه، ترڅو په راتلونکی کې دوهم سرک جوړ شي.
دغه راز یاد پلاوی د منډهیر قوریې څخه هم لیدنه وکړه او د یادې قوریې مسئولینو ته یې د قوریه جاتو بیا احیا او احداث په اړه لازمې لارښوونې وکړې، ترڅو په راتلونکی کې په زیاته اندازه نیالګي تولید او د ځنګلونو د بیا احیا په دوامداره ډول ترسره شي.
