د پکتیا دکرنې ریاست: د ملګرو ملتونو دخوړو او کرنې ادارې سره پر همغږۍ ټینګار وشو
د پکتيا ولايت د کرنې، اوبولګولو او مالدارۍ رياست په مقام کې د د ملګرو ملتونو د خوړو او کرنې اداې «FAO» چارواکو د پکتیا د کرنې رییس مولوي عبدالرؤف سعيد سره د همغږۍ ناسته ترسره کړه.
په ياده ناسته کې په دوه اړخېزه همکاريو د بحث ترڅنګ د ښې همغږۍ په رامنځته کولو ټينګار وشو، همداراز د FAO مؤسسې مسؤلینو له ښاغلی سعید سره د خپلو راتلونکو پروژو په اړه معلومات شریک کړل.
د پکتیا دکرنې رییس مولوي سعيد په خپلو خبرو کې د يادې مؤسسې له مسولينو سره د همکارۍ د ژمنې ترڅنګ د يادې مؤسسې له مسئولينو وغوښتل، چې خپلې چارې د کرنې رياست سره په همغږۍ په پوره شفافيت سرته ورسوي، نوموړي همداراز وويل چې د يادو پروژو په پلي کېدو سره به د کرنې په برخه کی سهولتونه هم رامنځته کړي.
