د پکتيکا ګيان ولسوالی ته د کرنې د سرپرست وزیر سفر
۳ چنګاښ ۱۴۰۱ ه.ش
۲۵ ذوالقعده ۱۴۴۳ ه.ق
دکرنې، اوبولګولو او مالدارۍ وزارت سرپرست مولوی عبدالرحمن راشد او له پنځو وزارتونوڅخه ورسره مل پلاوی، د پکتيکا ولايت د ګيان ولسوالی سيمه ييزو چارواکو او اوسيدونکو سره په کتنه کې، دوی ته ډاډ ورکړل چې اسلامي امارت تل د دوی ملاتړ کوي.
دکرنې وزارت سرپرست په دې ليدنه کې زيانمنو سره د مرستې په پار په مرکز او ولايتونو کې د امکاناتو د برابرولو په پار داميرالمؤمنين فرمان بيان کړ او دغه راز د هر شهيد لپاره د ۱۰۰ زره او هر ټپي لپاره د ۵۰ زره افغانۍ د ورکړې په موخه د رئيس الوزرا پيغام زيانمنو ته ورسول.
مولوی عبدالرحمن د شهيدانو پاک روح ته دعا وکړه او زخميانوته د خدای ج له لوی دربار څخه دعاجلې شفأ غوښتنه وکړه. د اسلامي امارت په استازيتوب ښاغلی راشد له خلکو سره ژمنه وکړه، چې د لومړنيو مرستو تر بشپړېدو وروسته د ګيان په ولسوالی کې د زلزلې له وجې ويجاړ شوې کرنيزې زېربناوې او تاسيسات او جوماتونه بيارغول کېږي.
