د هېواد په کچه د ټولو ځمکو د سروې او تصفيې په موخه تعقیبي غونډه
دکرنې، اوبولګولو او مالدارۍ وزارت د ځمګو چارو ریاست مشرتابه د هېواد په کچه د ټولو ځمکو د سروې او تصفیې په موخه تعقیبي غونډه دائره کړه.
دغه غونډه، چې د ځمکو چارو رییس مولوی محمود مظلوم په مشرۍ د اراضۍ ریاست په عمومي تالار کې دائره شوې وه د کرنې، اوبولګولو او مالدارۍ وزارت د رهبري په لارښوونې او د عالیقدر امیرالمؤمنین حفظه الله د حکم پر بنسټ د هېواد ټولې ځمکې سروې او تصفیې په اړه خبرې اترې وشوې.
په پيل کې د اراضۍ رییس مولوی محمود مظلوم ددې ریاست د مسوولینو د زیار او کوښښ څخه مننه وکړه، چې په دې څو ورځو کې په دې اړه بوخت دي او زیار باسي چې يوې نهايي پایلې ته ورسېږي.
د ځمکو چارو رییس وویل، کومه کمېټه چې په ياده موضوع باندې جوړه شوې او خپل مسئوليت پر مخ وړي، وروسته له دې چې په عمومي توګه د ځمکوالۍ په برخه کې يې ټولې کړنلارې بررسي کړې بايد چې په دوه کمېټو سره جلا شي.
لومړۍ کمېټه د ځمکو په حقوقي برخه کې او دويمه کمېټه د ځمکو په تخنيکي برخه کې خپل مسووليتونه په مخ يوسي. ښاغلي مظلوم زياته کړه: «د کار د ښه والي او همدارنګه د کار د چټکتيا په موخه دې د کرنې وزارت نه د مالي، بشري سرچينو او طبیعي سرچینو څانګو څخه دې يو يو کس په رسمي بڼه راوغوښتل شي، تر څو په دېکمېټه کې ګډون وکړي.
په پای کې د اراضۍ رییس د کميټې ټولو غړو ته لارښوونه وکړه، چې د هرې اوونۍ په پای کې د خپل د يوې اوونۍ د کړنې پايله دې د کرنې وزارت له رهبرۍ سره شريک کړي.
