د هلمند ګرمسېر کې لسګونه بزګران وروزل شول
٢۲ لړم ۱۴۰۲ه.ش
٢۹ ربیعالثاني ۱۴۴۵ ه.ق
د هلمند ولایت د کرنې، اوبولګولو او مالدارۍ ریاست اړوند، د ګرمسېر ولسوالی د کرنیزو خدمتونو مدیریت کارکوونکو لخوا ، دکوار خیریه مؤسسې په تخنیکي همکارۍ ٩٤ تنو بزګر ته د خزاني کرکيلې، دنباتي ناروغیو او افتونو مخنیوی او د بڼوالۍ په برخه کې عملي او نظري زده کړې ورکړل شوې.
د یادې پروسې له لارې د ٣ ورځو په لړ کې نظري او ٣ ورځې په عملي ډول بزګرو ته په کروندو کې د اړتیا وړ زده کړې ورکول شوې ترڅو له لږې ځمکې څخه په کمو لګښتونو زیات حاصلات ترلاسه کړي.
د هلمند دکرنې ریاست چارواکي وایي، چې دغه روزنیز پروګرام ددې ولایت نورو ولسوالیو ته هم غځېږي، چې موخه یې د بزګرانو وړتیاوې لوړول دي.
