د هلمند ګرمسیر کې پر سلګونو بزګرانو د غنمو اصلاح شوي تخمونه او کیمیاوي سرې وېشل کېږي
۲۲ وږي ۱۴۰۲ه.ش
۲۷ صَفَرُ المُظَفَّر ۱۴۴۵ه.ق
دهلمند ولایت د کرنې، اوبولګولو او مالدارۍ ریاست په هلو ځلو، د افغانانو د پوهې او وړتیا لوړولو یا جک مؤسسې په همکارۍ، ددې ولایت ګرمسېر ولسوالی ٣٠٠٠ بزګرانو ته دغنمو اصلاح شويو تخمونو او کیمیاوي سرې وېشلو په موخه د مستحقینو د انتخاب سروې پیل شوې ده.
د سروې دغه چارې د ګډې کمیټې لخوا په شفاف ډول ادامه لري، چې په تعقیب به یې هر بزګر ته ٥٠ کیلوګرامه د غنمو اصلاح شوی تخم، ٥٠ کیلوګرامه سپین او ٥٠ کیلو ګرامه تور کیمیاوي سره ورکول کېږي.
د دې پروسې موخه په دې ولسوالی کې د بزګرانو ملاتړ دی، چې پر مټ به یې ځمکوال وکولای شي له خپلو ځمکو څخه لوړ حاصلات ترلاسه کړي.
