د هلمند کرنې ریاست کې سکټوري غونډه دائره شوه

د هلمند دکرنې، اوبولګولو او مالدارۍ ریاست کې ددې ولایت دکرنې  او مالدارۍ پراختیا او ودې ته د زمینې برابرولو په پار له همکارو برنامو سره سکټوري غونډه دائره شوه.
نن یکشنبه د هلمند ولایت کرنې ، اوبولګولو او مالدارئ ریاست کې سکتوري غونډه ترسره سوه چې پکښې همکارو ادارو او مؤسساتو ګډون کړی وو.
په غونډه کې د کرنې سکټور د اړوندو مؤسسو چارواکو د خپلو کړنو راپور وړاندي کړ، ستونزې او وړاندیزونه یې هم شریک کړل.
ورپسې د هلمند ولایت د کرنې ریاست د پلان او برنامو د همغږۍ مدیر انجنیر امان الله تسکین اړونده مؤسسو او انجیوګانو چارواکو ته د کارونو ښه ترسره کېدو په موخه د همغږۍ سپارښتني وکړې او غوښتنه یې وکړه ترڅو د ترسره کېدونکو فعالېتونو راپورونه پر وخت ددې ادارې سره شریک کړي.
دغه راز په دې غونډه کې د چارو لا سمښت او همغږي کېدو په موخه د سکټور اړونده غړو لخوا نظرونه، غوښتني او سپارښتني شریکي شوې.
د غونډې په پای کې د هلمند دکرنې ریاست چارواکو د همکارو برنامو مسولينو ته د پروژو د ښه تطبیق او ستونزو د حل په موخه لازمې لارښوونې هم وکړې.