د هلمند ولایت کرنې ریاست په تشو بستونو کې له لسګونو کسانو څخه ازموینه واخیستل شوه
د هلمند د کرنې، اوبولګولو او مالدارۍ رياست خپل تش مسلکي بستونه د ازاې سیالۍ له لارې اعلان ته سپارلې وه، چې لسګونو کسانو ورته خپل غوښتنلیکونه وړاندې کړي وو.
له یادو غوښتونکو څخه په داسې حال کې چې د ولایت مقام، د اداري اصلاحاتو او ملکي خدمتونو ادارې، اسختباراتو او کرنې ریاست استازو حضور درلود په شفاف ډول ازموینه واخستل شوه.
د ازموینې د پیل پر مهال د هلمند ولایت د کرنې، ابولګولو او مالدارۍ ریاست رییس الحاج مولوي نظرمحمد صدیقي وویل، چې خپل مسلکي تش بستونه یې په دې موخه ازاد رقابت ته وړاندې کړي دي تر څو بیله توپیره د خپلې وړتیا او لیاقت له مخې ورته مسلکي کدرونه جذب کړي، هغه همدارنګه وویل :« هغه کسان چې په ازموینه کې بریالي کېږي باید د اسلام مبارک دین په رڼا کې د نظام د اصولو او مقرراتو مطابق یې موخه او هدف ملت ته خدمت کول وي».
د هملند دکرنې رییس زیاته کړه، چې په ازموینه کې به یوازې د مسلک او وړتیا له مخې هغه کسان بریالي کېږي، چې د ازموینې د کمیسیون لخوا جوړو شویو پوښتنو ته دقیق ځوابونه ورکړي. دهلمند دکرنې رییس ګډونوالو ته د یادې پروسې په اړه د بشپړ شفافیت ډاډ ورکړ.
