د هلمند ناوه کې د عمومي بڼ د سړکونو د بیارغونې چارې پیل شوې
۱ زمری ۱۴۰۳ه.ش
۱۶ مُحَرَّمُ الحَرام ۱۴۴۶ه.ق
د هلمند دکرنې، اوبولګولو او مالدارۍ ریاست چارواکي وایي، چې ددې ولایت د ناوې په ولسوالی کې د کرنې ریاست اړوند د عمومي بڼ د سړکونو د بیارغونې چارې پیل شوي دي.
په دې پروژه کې د سړکونو رغول شامل دي، چې په دې سره به په یاد بڼ کې کرنیزې چارې کړنۍ شي.
ناوې ولسوالی کې د عمومي بڼ چې پکې مېوه لرونکي بڼونه، تاسیسات او کرنیزه ځمکه شتون لري، د کرنې ادارې لخوا پکې د یادې ولسوالی د ځمکوالو لپاره بېلابېلې کرنیزې چارې سرته رسول کېږي، چې په رغولو سره به یې ددې ریاست په فعالیتونو کې ګڼې اسانتیاوې رامنځته شي.
د یادولو وړ ده، چې تر دې وړاندې د یاد بڼ د اوبو لګولو سیسټم او د اوبو ویشنې ١٥ بابه دروازې هم رغول شوي دي.
