د هلمند موسی کلا کې پر سلګونو بزګرانو د غنمو اصلاح شوي تخمونه او کیمیاوي وېشل کېږي
۲۵ لړم ۱۴۰۴ هـ.ش
۲۵ جُمَادَى الأول ۱۴۴۷ هـ.ق
دهلمند ولایت دکرنې، اوبولګولو او مالدارئ ریاست لخوا، په موسی کلا ولسوالی کې د کرنیزوخدمتونو عمومي مدیریت او د افغانستان د راتلونکي نسل خیریه مؤسسې په همکارۍ، د ۱۰۰۰ کروندګرو لپاره د اصلاح شويو غنمو تخمونو او کیمیاوي سرو د وېش په موخه د مستحقینو د تثبیت او سروې چارې روانې دي.
تر اوسه د یادې سروې په لړ کې ۴۰۲ کروندګر په نښه او د مستحقینو په لیست کې شامل شوي دي، چې د سروې چارې د ګډې کمېټې له لوري ترسره کېږي.
په ورته وخت کې کروندګرو ته د اصلاح شوو تخمونو د ترویج، تکثیر او د یادو تخمونو د سمې استفادې په اړه روزنه هم ورکول کیږي.
