د هلمند مارجه کې یوشمېر بڼوال وروزل شول
۷ لړم ۱۴۰۲ه.ش
۱۴ ربیعالثاني ۱۴۴۵ ه.ق
د هلمند ولایت د کرنې، اوبو لګولو او مالدارۍ ریاست له لوري، له افغان کډوالو سره د مرستې لپاره د ډنمارک کمیټې (ډاکار) مؤسسې په مالي همکارۍ، د مارجې ولسوالی ٤٠تنو بڼوالو ته د بڼوالۍ ښې روزنې او د نباتي افتونو مخنیوی په اړه په داسې حال کې، چې د یادې ولسوالی د کرنیزو خدمتونو مسؤل هم شتون درلود عامه پوهاوی ورکړل شو.
په دې روزنیزه برنامه کې بڼوالو ته له نوې ماشینرۍ څخه د ګټې اخستنې، د زیان رسونکو حشراتو د له منځه وړلو او مخنیوی په هکله هر اړخیز مالومات ورکړل شول.
د دې ترڅنګ یادو بڼوالو هر یوه ته یوه د ښاخبرۍ قیچي، یو عدد د بڼونو اره، یوه جوړه دست کشې او دوه تختې صافي ورکړل شول.
د یاد روزنیز پرورګرام موخه د انګورو د بڼونو ښې روزنې تر څنګ د مېوه لرونکو بڼونو د ناروغیو او افتونو مخنیوی او د کیفېت او کمېت له پلوه د یادو بڼونو د حاصلاتو ښه کول دي.
د یادونې وړ ده، چې د هلمند د کرني ریاست هلې ځلې کوي ترڅو د دې ولایت بزګرانو او بڼوالو ته د بېلابېلو روزنیزو پروګرامونو له لارې د ښې کرکيلې او د نباتي ناروغیو مخنیوی په اړه په دوامداره ډول عامه پوهاوی ورکړي.
