د ننګرهار کرنې ریاست څېړنیز فارم کې پر یوشمېر بوټو څېړنې روانې دي
۸ زمری ۱۴۰۲ه.ش
۱۲ مُحَرَّمُ الحَرام ۱۴۴۵ه.ق
د ننګرهار د کرنې، اوبولګولو او مالدارۍ رییس د ننګرهار څېړنیز فارم کې د غله جاتو او حبوباتو له مختلفو تجاربو څخه لیدنه ترسره کړه.
د ننګرهار په څېړنیز فارم کې د شولو، جوارو او سویابینو د۸ تجربو په ۳۱ ډولونو څېړنې روانې دي.
د ننګرهار د کرنې، اوبولګولو او مالدارۍ رییس مولوي عبدالستار محمد وویل اوسمهال د ننګرهار په څېړنیز فارم کې پر ۸ جریبه ځمکه د جوارو ژر رسه ډولونه د باکیفیته تخم تولید په موخه کرل کېږي.
دغه راز دکرنې رییس وایې پر ۵ جریبه ځمکه د جوارو ژر رسه او شمال ډولونه او پر دوه جریبه ځمکه سویابینو ګیټ وي نوعه د مورني تخم تولید په منظور کرل شوي.
همدارنګه پر یو جریبه ځمکه دشولو ۵ تجروبې چې دوه یې اګرانومیکي او درې د اصلاح په موخه کرل شوي.
د یادو تجاربو موخه د ختیځ زون لپاره د غوره او پر حاصله ډولونو پیداکول او بزګرانو ته د ترویج له لارې معرفي کول دي.
