د ننګرهار کانال شرکت: ۵۰۰ جریبه شاړه ځمکه کرکیلې ته چمتو کېږي
٢۸ وږي ۱۴۰۲ه.ش
۴ ربیعالاول ۱۴۴۵ه.ق
د ننګرهار کانال شرکت چارواکي وايي، چې د ننګرهارکانال د لوی نهر څخه د سالمې ګتې اخیستنې او کروندګورو ته د اوبو رسونې په پار د هلو ځلو په ترڅ کې د هډې فارم شپږم بلاک کې د یو کرنیز شرکت په مټ چې میلونونه افغانۍ مالي لګښت پرې کوي د لوی نهر نه په منظمه او معیاري توګه د اوبو راپورته کولو پایپ سیستم جوړونې چارې پېل کړي دي.
ددې سیسټم په جوړېدو سره به سلګونه جریبه هغه ځمکه چې کابو پنځه لسیزې د اوبو د کمښت له امله له کرکیلې نه پاتې وه خړوب او او کرکیلې ته به چمتو شي.
لوی نهر نه د اوبو راپورته کولو د پایپ دا سیستم دوه کیلومتره اوږدوالی لري، چې د جوړونې چارې يې روانې او کابو۸۰ سلنه بشپړې شوي دي.
