د ننګرهار کانال شرکت کې زده کړیالانو ته د عملي زده کړو زمینه برابره شوې
۱۶ غبرګولی ۱۴۰۳ه.ش
۲۸ ذوالقعده ۱۴۴۵ه.ق
د ننګرهار کانال شرکت چارواکي وایي، چې ددې شرکت اړوند بېلابېلو فارمونو او بڼونو کې دکرنې او وټرنرۍ برخې زده کړیالانو ته د عملي زده کړې زمینه برابره شوې ده.
په همدې موخه د ننګرهارکانال شرکت د مالدارۍ فارم مسوولینو د بامیان پوهنتون وترنرۍ پوهنځی د درېیم، څلورم او پنځم ټولګيو زده کړیالانو ته د خپلو برنامو کړنو، روانو کارونو په تړاو بشپړ مالومات ورکړه او دویته يې د نږدې لېدنې زمینه برابره کړه.
د چارواکو په خبره د بامیانو پوهنتون د وترنرۍ علومو پوهنځی د درېیم، څلورم او پنځم کال زده کړیالانو د خپلو استادانو په ملتیا د ننګرهارکانال شرکت د مالدارۍ فارم څخه له نږدې علمي او عملي ليدنه ترسره کړه.
ددې فارم د بېلابېلو برخو په تړاو او په فارم کې د ټولو شته امکاناتو او مالدارۍ سيستمونو، تغذيه، د غواګانو د مختلفو نسلونو پيژندنه، د فارم د صحي خدماتو، توليداتو او نورو برخو په تړاو د شته ډاکترانو، پرسونل له لورې بشپړ معلومات ورکړل شوه.
راغلو ټولو زده کړیالانو او ددوی استادانو د ننګرهارکانال شرکت د رهبرۍ نه مننه وکړه، چې ورته يې اسانتیاوې برابرې کړې، تر څو دوی د مالدارۍ فارم څخه له نږدې لېدنه وکړي.
دوی زیاته کړه، چې داسې علمي سفرونه د تيوري درسونو تر څنګ عملي ساحه کې هم لازيات ګټور تمامېږي.
