د ننګرهار کانال شرکت کې د غنمو اصلاح شویو تخمنو د تولید په پار هڅې
۱۷ لړم ۱۴۰۲ه.ش
٢۴ ربیعالثاني ۱۴۴۵ ه.ق
د ننګرهار کانال شرکت چارواکي وايي، چې دوی هلې ځلې کوي ترڅو ددې کانال اړوندو ځمکو کې د غنمو د اصلاح شویو تخمونو د تولید کچه لوړ شي.
ننګرهار کانال د يو پروتوکول له مخې هلال هډه وال کرنیز شرکت ته د هډې فارم عبدالخېلو بلاک کې ۵00 جريبه ځمکه د اصلاح شویو تخمونو د کر په موخه په واك کې ورکړې وه،چې کرکېله یې عملا پیل شوی دی.
افغانستان د اصلاح شویو تخمونو په برخه کې ډېر کار ته اړتیا لري، په ننګرهار کې ډېری کرنیز شرکتونه د غنمو د اصلاح په برخه کې کار کوي، ترڅو اصلاح شوي تخمونه ډېر او د خوړو خوندیتوب رامنځته شي.
