د ننګرهار کانال شرکت په څه باندې ۶۰۰جریبه ځمکه د زیتونو بڼونه جوړ شوي دي
۳۰ تله ۱۴۰۲ه.ش
۷ ربیعالثاني ۱۴۴۵ ه.ق
د ننګرهارکانال شرکت چاراکي وایي، چې په دې وروستیو کې ددې شرکت په کابو ۶۰۸ جریبه ځمکه تازه د زیتونو بڼونه جوړ شوي دي، چې وسره به په راتلونکې کې ددې ریاست دزیتونو د حاصلاتو کچه لا لوړه شي .
د ننګرهارکانال شرکت چارواکي وايي، د زیتونو هغه بلاکونه چې انقلابي شرایطواو جنګونو تخریب کړي او له منځه وړي و، له ډېره ښه مرغه اوس پرې ننګرهارکانال شرکت بیا ځلې زیتون بڼونه جوړوي، او له ښه مرغه اوس ددې شرکت په شاوخوا ۶۰۸ جریبه ځمکې زیتون باغونه بیا ځلې احداث شوي دي، چې سږنۍ حاصلات یې ۲۰۰ ټنو ته رسېږي.
د ننګرهار د کانال ریاست چارواکي وايي، چې د زیتونو د تولیداتو زیاتوالي په پار د زیتونو نوي بڼونه هم جوړېږي.
زیتون له مدیترانه یي نباتاتو څخه دی، چې کال کې یووار ترې حاصل راټولېږي او تر پروسس وروسته لس سلنه د زیتونو تېل ترې لاسته راځي، په دې فابریکه کې له سل ټنه زیتون څخه تر پروسس وروسته لس ټنه تېل په لاس راځي.
د ننګرهار کانال شرکت چاراکي هلې ځلې کوي، چې ددې شرکت اړوند د زیتونو او سټروسو بڼونه احداث او په دې برخه کې هېواد ځان بسیاینې ته نږدې کړي.
