د ننګرهار کانال شرکت د زیتونو فابرېکې تولیدات ډېرېږي
د ننګرهار کانال شرکت چارواکي وايي، چې ددې شرکت اړوند د زیتونو په فابریکه کې جوړې شوې توکي لکه چکني، اچار، روب، ځان او جامو مينځلو صابون د خرڅلاو په موخه بازار ته وړاندې او د نږدې یو میلیون افغانیو په ارزښت یاد توکي وپلورل شول.
د ننګرهار کانال شرکت د چارواکو په خبره ددې شرکت اړوند د زیتونو فابرېکه چې کلونه وړاندې هډې فارم کې تاسيس شوې ده، اوسمهال د لږو امکاناتو سره سره ئي بيا هم توليدات لکه مکس اچار، رومیانو روب، روميانو میکس اچار مرچکو مکس اچار، مکس چکني، دلاس مينځلو صابون،دکاليو مينځلو صابون تولیدي او ډېر ژر به ددې فابریکې تولیدات ډېر شي.
