د ننګرهار کانال د خرما بڼ حاصلات ډېر شوي
۱۶ وږي ۱۴۰۲ه.ش
۲۱ صَفَرُ المُظَفَّر ۱۴۴۵ه.ق
د ننګرهار کانال شرکت چارواکي وایي، چې د یاد کانال د خرما بڼ حاصلات ډېر شوي دي. د چارواکو په خبره سږ کال به د اټکل له مخې د ننګرهار کانال شرکت د خرما بڼ د حاصلاتو اندازه شلو ټنو ته ورسېږي، چې تېر کال یې کچه ۱۸ ټنه وه.
د کانال شرکت چارواکي وایي، چې سږ به د خرماو د ۴۰ جریبه بڼ حاصلات د تېر کال په پرتله لوړ وي، چې د اټکل له مخې به يې د حاصلاتو اندازه شاوخوا شل ټنو ته لوړ شي. په داسې حال کې چې تېر کال د همدغو خرماو د حاصلاتو اندازه شاوخوا ۱۸ ټنه وه
د چارواکو په خبره د یاد بڼ د خرماوو حاصلاتو د زیاتوالي لامل د نورو اګرو تخنیکي فعالیتونو ترڅنګ په خرما بڼ کې د نرمکارۍ، د هرزه ګیاو راټولول، د خرما د وږو ( خوشو ) قاتول او منظمول، د ونو د سکرونو پاکول، د ښه حاصل ترلاسه کولو لپاره د یوریا سرې کارول دي.
