د ننګرهار چپرهار کې پر سلګونو بزګرانو د لوبیا اصلاح شوي تخم وېش لړۍ پیل شوه
۶ غبرګولی ۱۴۰۳ه.ش
۱۷ ذوالقعده ۱۴۴۵ه.ق
د ننګرهار دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په مالي او د اکشن اېډ مؤسسې په تخنیکي همکارۍ ددې ولایت د چپرهار ولسوالی پر ۱۰۰۰ بزګرانو د لوبیا اصلاح شوي تخم او کیمیاوي سرو وېشل لړۍ پیل کړی دی.
د ننګرهار دکرنې رییس مولوی محمد ولي محسن وویل، چې ددې مرستې په ترڅ کې هر بزګرته ۱۲ کیلوګرامه د لوبیا اصلاح شوي تخم، ۲۵ کیلو توره او ۲۵ کیلوګرامه سپینه سره ورکول کېږي.
د ښاغلي محسن په خبره دا صلاح شوی تخم په کر سره به ياده ولسوالۍ کې د لوبیا په حاصل کې د پام وړ زياتوالی راشي.
د لوبیا د اصلاح شوي تخم د وېش موخه، د بزګرانو ملاتړ، د لوبیا ترویجول او د خوړو خوندیتوب رامنځته کول دي.
