د ننګرهار چپرهار کې د يو کانال او سربند جوړولو چارې پیل شوې

د ننګرهار د کرنې، اوبولګولو او مالدارۍ ریاست د د ROP / CBARD  پروژې په همکارۍ ددې ولایت د چپرهار په ولسوالی کې د بزګرانو د ستونزو حلولو په پار د اوبولګولو د يو کانال او سربند د رغولو چارې پیل کړي دي.
د چارواکو په خبره په دې پروژه کې د ۷۴۰ مترو په اوږدوالې یوکانال او سربند، ۲۵ متره محافظوي دیوال ۹ دروازي او یو پولچک شامل دي، چې په بشپړېدو سره يې ډېر شمېر کرنيزې ځمکې خړوب او د اوبو له ګواښ څخه خوندي کېږي.
 دا پروژه د چپرهار ولسوالی اړوند موري په کلي کې پیل شوی،  چې په بشپړېدو سره به یې ۹۰۰ جریبه کرنیزه ځمکه خړوبه شي، او سلګونو خلکوته به د کار زمینه هم برابره شي.
د سیمې اوسیدونکو د یاد کانال له جوړېدو  څخه خوښي وښودل،  او د پروژې او ولسوالی له مسولینو یې مننه وکړه. 
 د یادونې وړ ده، چې د  ROP/ CBARD مؤسسه دکانالونو جوړولو ترڅنګ د بڼوالۍ،  شنوخونو جوړولو،  کرنیزو وسایلو او ګڼو نورو برخو کې د بزګرانو لاسنیوی کوي.