د ننګرهار مومندرې ولسوالی کې ۷ زره دالرو په ارزښت د حیوانې خوراکې زېرمتون ګټې اخیستنې ته وسپارل شو
۱۳ وږی ۱۴۰۲ه.ش
١۸ صَفَرُ المُظَفَّر ۱۴۴۵ه.ق
د ننګرهار د کرنې، اوبولګولو او مالدارۍ ریاست په هڅو ددې ولایت د مومندرې ولسوالی په باسول کلي کې د ۷ زره ډالرو په ارزښت د مالدارانو د ستونزو د حل په پار حیواني خوراکې زېرمتون (فیډ بینک) ګټي اخیستنې ته وسپارل شو.
د ننګرهار د کرنې، اوبولګولو او مالدارۍ ریاست په استازیتوب د مالدارۍ خدمتونو او څارویو روغتیا امر داکتر محمد ضمیر بهسودي، مومندرې ولسوالی د ترویج مدیر رحمت الله ، د عشراوزکات مدیر قاري شېرزاد، د هالنډ کمیټيې استازو، او قومي مخورو حضور درلود.
د ننګرهار دکرنې ریاست د مالدارۍ امر محمد ضمیر بهسودي وویل، چې د حیواني خوراکې زېرمتون دافغانستان لپاره د هالینډ کمیټې د ار پي ایس اف پروژې لخوا جوړ شوی، چې ددې حیواني خوراکې زېرمتون په جوړولو سره به د مومندرې کوچي او ځایې څارویو لرونکو ته د حیواني خوراکې په برخه کې اسانتیاوی برابر؛ او د دوی مشکلات حل شي .
دغه راز په یادو پیسو د حیواني خوراکې لپاره ودانۍ، ماشینري، د حیواني خوراکې اومه مواد او ګڼ نور وسایل واخېستل شو، ترڅو مالدارانو ته ښه او غوره چوپړتیاوې وړاندې کړي.
ددې مرستې موخه په دې ولسوالی کې د مالدارانو ستونزو ته رسېدنه او په ټوله کې د مالدارۍ سکټور ودې او پراختیا ته زمینه برابرول دي.
