د ننګرهار لعلپور کې پر ۱۹۰ جریبه ځمکه نکریزه کرل شوې ده

د ننګرهار د کرنې ریاست د معلوماتو په اساس سږ کال د ننګرهار په لعلپورې ولسوالی کې پر ۱۹۰ جریبه ځمکه نکریزه کرل شوې ده.
نکریزه یو کرنیز نبات دی، چې د غویی په میاشت کې کرل کېږي او د لړم میاشت په ۱۵ رفع حاصل کېږي او په في جریب ځمکه کې ۲۱ کیلو ګرامه تخم اچول کېږي.
نکریزو یو جریب ځمکه ۸۰ منه حاصل ورکوی؛  چې اوس وخت کې یومن په ۵۵۰ افغانۍ پلورل کېږي.
داچې ددې نبات کښت،  روزنه او پروسس یې خورا سخت کار ته اړتیا لري، نو دکښت سره یې د خلکو لېوالتیا کمه شوې ده او بله دا چې په بازار کې تیاري جوړي شوو نکریزو او رنګونو د وطني نکریزو بازار کم رنګه کړیدي.
نکریزه د افغاني کلتور یوه بډایه برخه ده؛ چې خلک یې په مختلفو طریقو د خوښیو، ودونو او دودیزو ورځو کې استعمالوي.