د ننګرهار رودات کې ۴۰۰ کروندګرو سره مرسته وشوه
د ننګرهار دکرنې، اوبولګولو او مالدارۍ ریاست د خوړو نړیوال پروګرام (WFP) په مالي ملاتړ او د افغانستان د راتلوونکې نسلونو (FGA) مؤسسې په همکارۍ ددې ولایت د رودتو ولسوالی د میرجی کلا او حصارک کلیو کې د جوړو شویو ټولنو پر ۴۰۰ نارینه او ښځینه بزګرانو دکرنیزو توکو مرسته شوه.
په دغو مرسته شویو توکو کې دوه تراکتورونه سره د قلبې او بلیډ، دوه ټرالۍ، دوه بار وړونکې زرنج، دوه ګرځنده ژرندې او دوه تریشرونه شامل دي.
په همدې موخه په جوړه شوي غونډه کې د ننګرهار دکرنې ریاست مرستیال قاری فضل الرحمن صادق کروندګرو ته د کرنیزو مرسته شویو وسایلو څخه په سالمه توګه ګټې اخستنې او همداراز د وسایلو د ساتنې په موخه لازمی سپارښتنې وکړې.
وروسته کروندګرو د ننګرهار د کرنې ریاست کړنې وستایلي او د کرنې اداری مرستیال ته يي د ښو کړنو ترسره کولو په موخه د اعزاز پټکې په سر کړل.
