د ننګرهار د کرنې ریاست کارکوونکو وړتیا لوړونې په موخه ورکشاپ پیل شو

د ننګرهار د کرنې، اوبولګولو او مالدارۍ ریاست کارکوونکو د وړتیا لوړونې او مدیریتي مهارتونو زیاتوالي په پار د اداري اصلاحاتو او ملکي خدمتونو ریاست له لورې درې ورځنۍ روزنیز ورکشاپ پیل شو.
د ورکشاپ په پیل کې د اداري اصلاحاتو او ملکي خدمتونو رییس مولوي مطیع الله طلحه د ورکشاپ پر ارزښت، راتلوونکي برنامو، اداري اصولو او کړنلارو په برخه کې تفصیلي خبري وکړې. 
د ننګرهار د کرنې ریاست د کرنیزو خدمتونو امر مفتي عزیز الرحمن عزیز د اداري اصلاحاتو او ملکي خدمتونو له رییس څخه مننه وکړه، چې د ظرفیت لوړونې یاد پروګرام یې په لاره اچولي.
ښاغلي عزیز یاد روزنیزو ورکشاپ ګټور وباله او له ټولو کارکوونکو څخه یې هیله وکړه چې پکي ګډون وکړي.
یاد ورکشاپ کې به کارکوونکو ته د رهبرۍ، مدیریت بنسټونه، د اسلام له نظره مدیریتي اخلاق، د وخت مدیریت او د فتر دارۍ چارو د تنظیم په برخه کې روزنه ورکړل شي.