د ننګرهار د کانال ریاست: د اوبولګولو د دوو سترو واټرپمپونو د بیارغونې چارې پیل شوې
۲۲ زمری ۱۴۰۱ه.ش
۱۵ محرم الحرام ۱۴۴۴ ه.ق
د ننګرهار د کانال ریاست چارواکي وایي، چې د یاد ریاست اړوند د اوبولګولو د دوو سترو واټر پمپونوچې پرې ۲۰ زره جریبه ځمکه خړوبېږي د ترمیم چارې پیل شوي دي.
د کانال ریاست د اوبولګولو و تخنیکي څارنې آمر انجنیر ګل احمد وویل: «د هډې فارم په ځمکه د کانال ادارې له جوړېدو سره سم ( شپږ لسیزې وړاندې ) دوه ستر د اوبو واټرپمپونه ( لومړې او دویمپمپ سټیشنونه) جوړ شوي وو، چې له برکته يې ۲۰زره جریبه ځمکه د هډې فارم او څلورکلیو (غوچک، ګنده چشمو، مقام خان او هډې اخندازده ) ځمکو د خړوبېدو په منظورجوړ شوي دي».
د ګل احمد په خبره اوسمهال د اوبولګولو او تخنیکي څارنې امریت تخنیکي ټیم او د ددغې پروژې د برښنا تخنیک ټیم تر نظارت او لارښوونې لاندې د ترمیم چارې ورانې دي.
بايد وويل شي، چې ددغو واټرپمپونو په ترمیم سره به شته ځمکې په وخت خړوبې او په زياته اندازه عوايد به ترې د کانال ادارې ترلاسه کړي.
