د ننګرهار د ځمکې غصب او غصب شویو ځمکو بېرته راګرځولو تخنیکي پلاوي هلې ځلې
٢۵ غویی ۱۴۰۲ه.ش
٢۵ شَوّال المُکَرَّم ۱۴۴۴ ه.ق
د ننګرهار ولایت د اماراتی، سلطانې، مرعي او وقفي ځمکو د غصب څخه د بېرته راګرځولو تخنیکي پلاوي ټولو غړو چې په ترکیب کې یې د عدلیې ریيس، څارنوالۍ رییس، مستوفیت ریيس، حج اوقافو ریيس، کار او ټولنیزو چارو ریيس، ښارجوړونې ریيس، ښاروالۍ مرستیال، امنیه قوماندانې مرستیال، قضایای امارات امر او د کدستر امر شامل دي، د ننګرهار د کرنې ادارې او تخنیکې پلاوي رییس مولوی عبدالستار محمد په مشرۍ د خپل کاری سفر په ترڅ کې د حاجی ظاهر قدیر تش په نامه ښارګوټي د اسنادو څېړلو په موخه سرخرود ولسوالی ته سفر وکړ.
یاده سیمه کې د حاجی ادریس لخوا د وېشل شویو نمرو اسناد تخنیکې پلوی ته وړاندې شول چې اسناد يي نیمګړې او د پوره اسنادو او شواهدو وړاندې کولو په موخه ترې تضمین واخیستل شو، چې راتلوونکې غونډې ته حاضر او خپل اسناد د وروستۍ تصمیم نیونې لپاره تخنیکې پلاوي ته وسپاري
باید وویل شي، چې د ننګرهار ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
