د ننګرهار دکرنې رییس؛ تردې وروسته به د کرنې په سکتور کې د اړتیا په اساس پروژې ډیزاین او پلي کېږي
۷ زمری ۱۴۰۳ه.ش
۲۲ مُحَرَّمُ الحَرام ۱۴۴۶ه.ق
د ننګرهار د اقتصاد رییس مولوي عطاالرحمن فاتح او ورسره مل پلاوي د ننګرهار کرنې، اوبو لګولو او مالدارۍ رییس مولوي محمد ولي محسن سره د کرنې او مالدارۍ په سکتور کې د ګټورو پروژو دپلي کولو او همغږۍ په موخه وکتل.
د اقتصاد رییس مولوي عطاالرحمن فاتح وویل دوی پلان لري، چې په هر سکتور کې موسسات وهڅوي ترڅو بنیادي او بنسټیزي پروژي پلي کړي.
ښاغلي فاتح زیاته کړه د کرنې او مالدارۍ سکتور چې یو مهم سکتور دي د کرنې اداري سره په همغږۍ ددې سکتور د پروژو دښه تطبیق او د بزګرانو او مالدارانو اړتیا په پام کې نیولو سره به پروژي ډیزاین کړي.
د ننګرهار کرنې، اوبولګولو او مالدارۍ رئیس مولوي محمد ولي محسن د اقتصاد رییس ته د ښه راغلاست ترڅنګ پروژو د ډیزاین په تخنیکي برخه کې د هر راز همکارۍ ډاډ ورکړ.
ښاغلي محسن وویل هڅه کوي د کرنې په سکتور کې بنیادي اصلاحات راولي؛ ترڅو کورنۍپرځان بسیا او د خوړو خوندیتوب رامنځته شي.
