د ننګرهار دکرنې ریاست: غیر دولتي موسساتو سره د ښې همغږۍ په موخه غونډه دائره شوه
۳۱غبرګولی ۱۴۰۱ ه.ش
۲۲ ذوالقعده ۱۴۴۳ ه.ق
د ننګرهار د کرنې، اوبولګولو او مالدارۍ رییس مولوی عبدالستار محمد د خپل کار په دفتر کې د ننګرهار ولایت د اقتصاد ریاست رییس مولوی امین الله سره وکتل.
د دي کتنې موخه په ننګرهار ولایت کې د کرنې او مالدارۍ برخې غیر دولتي موسساتو د پروژو د تطبیق څخه نظارت او څارنه او ښه همغږي رامنځته کول وه.
د ننګرهار دکرنې رییس مولوی عبدالستار محمد په خپلو خبرو کې یادونه وکړه، چې په دې ولایت کې هره موسسه یا انجو چې د کرنې او مالدارۍ برخه کې فعالیت تر سره کوي د همکارۍ ډاډ ورکول کېږي او ترڅنګ یې باید په شفافه توګه د پروژو په تطبیق کې موسسات هم جدې ووسیږې، او خپلو راتلوونکو پلانونو کې لرو پرتو ولسوالیو ته پوره پاملرنه وکړي.
د ننګرهار دکرنې رییس زیاته کړه، چې هیڅ مؤسسې ته به اجازه ورنکړئ، چې په خپل سره پروژه پلي کړي، نو د ښي همغږۍ په موخه اړینه ده چې هره موسسه د پروژې د پیل مکتوب د کرنې، اوبولګولو او مالدارۍ وزارت مقام څخه تر لاسه کړي.
