د ننګرهار دکرنې ریاست: د مملې بڼ د اوبوخوړ ستونزه هوارېږي
۱۵ لېندۍ ۱۴۰۱ه.ش
۱۲ جمادي اﻷول ۱۴۴۴ ه.ق
د ننګرهار ولایت والي حاجي ملا محمد نعیم اخند له لوري د دې ولایت د خوګیاڼو ولسوالی اړوند د مملې تاریخي بڼ د اوبخور د اوبو د کمښت لپاره د دوه څاکانو د ایستلو پروژه د پټي په پري کولو سره پیل شوه.
په دې اړه جوړه شوې غونډه کې، د ننګرهار د کرنې، اوبولګولو او مالدارۍ ريس مولوی عبدالستار محمد په خپلو خبرو کې یادونه وکړه چې دغه څاه ګانې به د اتیا متره ژور والې او د دوه میاشتو په موده کې بشپړ شي، چې ټول ټال لګښت یي یونیم میلیون افغانۍ کیږي، چې د افغانستان اسلامي امارات د کرنې، اوبولګولو او مالدارۍ وزارت مقام له لوري ورکول کېږي.
محمد زیاته کړه، چې په اوسني شرایطو کې د ژورو څاګانو ایستل مناسب ندی، خو د بلې خوا اسلامي امارات دیته ژمن دی، چې د تاریخې ابداتو ساتنه په پوره عزم سره وکړي.
په همدې موخه د کرنې، اوبولګولو او مالدارۍ وزارت اړینه وبلله تر څو د مملې تاریخي بڼ چې د اوبو د کمښت سره مخ دی، د دغه بڼ د ژغورنې او اوبخور لپاره دوه څاګانو منظور کړي، چې د لمریز سیسټة په وسیله به بڼ ته اوبه ورکوي.
محمد همداراز زیاته کړه، چې په دغه بڼ کې دمګړۍ د نیالګیو د تولید او پالنې لپاره یو شمېر قوریې هم شتون لري، چې هر کال په زرګونه نیالګیې تولید او د ښیرازۍ په موخه پر هېوادوالو ته ویشل کېږي.
