د ننګرهار دکانال ریاست: د زیتونو تېلو کچه لوړه شوې
۸ چنګاښ ۱۴۰۱ ه.ش
۳۰ ذوالقعده ۱۴۴۳ ه.ق
د ننګرهار کانال ریاست چارواکي وایي، چې د ننګرهار وادي کرنیز ریاست د پروسس شویو زیتونو تېلو کچه په بېسارې کچه لوړه شوې ده.
د چارواکو په خبره د ننګرهار وادي کرنیز ریاست د پروسس شوو زیتون تېلو څخه هره ورځ درې زره (۲۵۰ او ۵۰۰ملي لیتره ) بوتلونوډکولو پروسه پېل شوې ده، ټول ټال به ترې ۱۶۸۰۰۰ دوه نیم سوه ملي لیتره بوتلونه ډک او بازار ته به دا سوچه او خالص تېل وړاندې شي.
د کانال ریاست د چارواکو په خبر سږ کال د زیتونو تېلو کچه ۱۲۲ زره لیترو ته لوړه شوې، چې په تېرو دېرشو کلونو کې یې اندازه دومره کچې ته نه وه لوړه شوې .
په هېواد کې زیتونو بڼونو ته د پاملرنې له امله ددې ګرانبیې مېوې حاصلات په زیاتېدو دي.
زيتون پر دې سربېره چې خوندوره مېوه ده، د هډوکو د خرابېدو، د ځینو سرطانونو، د مفصلونو د درد او التهاب، د هاضمې سيستم د خرابوالي، حساسیتونو، د زړه او ګڼو نورو ناروغیو مخه نیسي.
