د ننګرهارکانال شرکت کې داوطلبۍ ترسره شوه
د ننګرهار کانال شرکت چارواکي وایي، چې ددې شرکت اړوندو شاړو ځمکو ابادولو په پار یې هلې ځلې پیل کړي دي، چې په ترڅ کې یې د یاد شرکت اړوند د څلورم فارم ځمکې داوطلبۍ ته وړاندې شول.
د ننګرهار کانال شرکت رییس مولوی غلام الرحمن کظیم وویل، چې ننګرهار کانال د کرکيلې لپاره پراخې ځمكې لري او په ټولو ځمکو کې د کرنې او بڼوالۍ لپاره بشپړې اسانتياوې شته، او ترې به سالمه ګټه پورته کوو.
ددې داوطلبۍ موخه بې ځمکو خلکو ته د ځمکو عادلانه وېش د لنډ مهالې او اوږد مهالې اجارې په بڼه، خلکو ته د کار زمينې برابرول، د ننګرهار کانال شرکت د څلور ګونو فارمونو شته ځمکې تر کرکیلې لاندې را وستل او په پايله کې د کورني او ملي اقتصاد پياوړي کول دي.
