د میدان وردګو کرنې ریاست کې سکټوري غونډه ترسره شوه
۱۲ لیندۍ ۱۴۰۴ هـ.ش
۱۲ جُمَادَى الثاني ۱۴۴۷ هـ.ق
د میدان وردګو ولایت د کرنې، اوبو لګولو او مالدارۍ ریاست د غونډو په تالار کې د کلیو پراختیا ریاست، د چاپېریال ساتنې ریاست، د اوبو او انرژۍ ریاست او د کرنې ریاست اړوندو آمریتو ترمنځ سکټوري غونډه ترسره شوه.
غونډه د قرآن کریم د څو مبارکو آیتونو په تلاوت سره پیل شوه. د کرنې ریاست استازي ټولو ګډونوالو ته د ښه راغلاست تر ویلو وروسته د غونډې موخه روښانه کړه او ورپسې ګډونوالو خپلې نظریې شریکې کړې او پر بېلابېلو موضوعاتو هر اړخیز بحثونه ترسره شول.
د غونډې په پای کې د ټولو ګډونوالو د نظرونو له تائید سره د اوبو د کنټرول او ورته د حللارو د جوړولو موضوع تصویب شوه، چې د راتلونکې غونډې ته به د پرېکړې لپاره وړاندې شي.
د میدان وردګو ولایت د کرنې، اوبو لګولو او مالدارۍ ریاست د پلان عمومي مدیریت له لوري یاده سکتوري غونډه د یادو ادارو ترمنځ د همغږۍ د پیاوړتیا په موخه ترسره شوې وه.
