د میدان وردګو سیداباد ولسوالۍ کې بزګرانو ته د مڼو نیالګي ووېشل شول
۳۰ کب ۱۴۰۳ه.ش
۲۰ رَمَضانُ المُبارَک ۱۴۴۶ه.ق
د میدان وردګو ولایت، سیداباد ولسوالۍ کې د سټارز مؤسسې په همکارۍ، چې مالي ملاتړ یې د ملګرو ملتونو د خوراک او کرنې سازمان اف اې او کوي، بزګرانو ته د مڼو نیالګي ووېشل شول.
د ۱۴۰۲ لمریز کال په ترڅ کې د سیداباد ولسوالۍ شل بزګران د مڼو بڼونو د سروې په لړ کې شامل شوي وو، چې نن هر یو ته د یوه جریب لپاره ۱۶۷ د مڼو نیالګي ورکړل شول.
همدارنګه، د ۱۴۰۳ لمریز کال لپاره د متراکم بڼونو جوړولو په موخه د ۷ بزګرانو سروې ترسره شوې وه، چې نن هر یو ته ۷۰۰ د مڼو نیالګي ووېشل شول.
بزګرانو ته د بڼونو د جوړولو او اوبو لګولو اړوند ضروري معلومات هم ورکړل شول، ترڅو د نیالګیو د ښې ودې او حاصل زیاتوالي ته زمینه برابره شي.
