د میدان وردګو دایمیرداد کې شنې خونې جوړېږي
۲۳ کب ۱۴۰۴ه.ش
۲۵ رَمَضانُ المُبارَک ۱۴۴۷ه.ق
د میدان وردګو ولایت دکرنې، اوبولګولو او مالدارۍ ریاست ددې ولایت په دایمیرداد ولسوالی کې دافغان سوله جوړونکې بشري مؤسسې په تخنیکي همکارۍ یوشمېر بزګرانو ته د شنوخونو جوړولو ترڅنګ پر ۳۵ نورو بزګرانو د مېوو او سبو وچولو سیسټمونه وېشل کېږي.
د میدان وردګو ولایت دکرنې ریاست چارواکي وايي، چې ددې پروژې په ترڅ کې به د دایمیرداد په ولسوالی کې ۱۰ شنې خونې جوړې او ترڅنګ یې ۳۵ بزګرانو ته د سبو او مېوو وچولو دستګاوې ورکول کېږي.
ددې پروژې موخه په دې ولسوالی کې د شنوخونو او د سبو او مېوو وچولو ماشینونو دودول، د بزګرانو ملاتړ او په ټوله کې د سبو تولیداتو پراختیا او د ضایعاتو مخنیوی ښودل شوی دی.
