د مالي او اداري معینیت له اړوندو ریاستونو څخه لیدنه: خلکو ته د غوره چوپړتیاوو په وړاندې کولو د کرنې وزیر ټینګار
![دیدار از ریاستهای مربوط به معینیت مالی و اداری: تأکید وزیر زراعت به ارائه خدمات بهتر به مردم](https://www.mail.gov.af/sites/default/files/2021-01/135229836_3937526129605291_7326775861301632266_o.jpg)
۱۳مرغومې ۱۳۹۹
د کرنې، اوبولګولو او مالدارۍ وزیر ډاکټر انوارالحق احدي، نن د کرنې وزارت د مالي او اداري معینیت له اړوندو ریاستونو څخه لیدنه وکړه.
ددې معینیت له اړوندو ریاستونوڅخه د کرنې وزیر د لیدنې پرمهال، د کرنې وزارت مالي او اداري مرستیال عبدالهادي رفیعي، د وزارت د یادو برخو د کارونو په هکله مالومات وړاندې کول.
په دې لیدنه کې د کرنې وزیر د مالي، تدارکاتو او اداري ریاستونو کارکوونکو ته سپارښتنه وکړه، چې خلکو ته غوړه چوپړتیاوې وړاندې کړي.
له یادو ریاستونو څخه په لیدنه کې ښاغلی احدي له کارکوونکو وغوښت، چې د حاضري نظم او د ادارې نورې مقررې دې په ښه توګه رعایت او پلي کړي.