د مالدارۍ سکټور خوندیتوب په پار هڅې؛ خوست کې د وټرنرۍ کلینیک ګټې اخیستنې ته وسپارل شو
۱۲ زمری ۱۴۰۲ه.ش
۱۶ مُحَرَّمُ الحَرام ۱۴۴۵ه.ق
د خوست دکرنې، اوبولګولو او مالدارۍ ریاست چارواکي وایي، چې په دې ولایت کې مالدارانو ته د چوپرړتیاوو وړاندې کولو او په ټوله کې د مالدارۍ سکټور د ودې او خوندیتوب د هلوځلو په دوام د کرنې د پراختیا نړیوال صندوق په مالي او د افغانستان لپاره د هالنډ کمېټې په تخنیکي همکارۍ ددې ولایت د مرکز اړوند چنار سنګر سیمه کې د څآرویو کلینیک جوړ او ګټې اخیستنې ته سپارلی دی.
د یاد کلینیک په پرانیست غونډه کې د خوست دکرنې ریاست مرستیال مولوی اسلم خان، د مالدارۍ او حیواني روغیتا آمر ډآکټر روښان، د پلان مدیر اجمل قاسمي، د افغانستان لپاره د هالنډ کمېټې استازو او یوشمېر نورو چارواکو ګډون درلود.
د خوست دکرنې ریاست وویل، چې یو کس ته د شپږو میاشتو لپاره د مالدارۍ او وترنرۍ خدمتونو په برخه کې روزنه هم ورکړل شوې ده.
د خوست دکرنې ریاست چارواکي دغه راز وویل، چې د یاد کلینیک لپاره اړینې توکي هم ورکړل شوې، ترڅو مالدارانو ته ښه او بهتره خدمات وړاندې کړي.
