د لوګر دکرنې ریاست: محمدآغې ولسوالی کې دکرنې اړوند پراختیایي پروژې پیلېږي
۲۵ تله ۱۴۰۱ه.ش
۲۱ ربیعالاول ۱۴۴۴ ه.ق
د لوګر دکرنې، اوبولګولو او مالدارۍ ریاست چارواکي وايي، چې ددې ولایت د محمدآغې په ولسوالی کې د (FGA) مؤسسې په همکارۍ د کرنې اړوند پراختیایي پروژې پلي کېږي.
د چارواکو په خبره په محمدآغې ولسوالی کې د کرنې اړوند پراختیایي پروژو د پلي کولو په پار غونډه کې د پروژو د پلي کولو په موخه پر لومړني سروې، د پروژو د لستونو ترتیب او د اولویت بندۍ په هکله خبرې اترې وشوې.
په دې غونډه کې پرېکړه وشوه، کومې پروژې چې ډېر ګټور وي انتخاب او ودانیزې چارې یې باید پیل شي.
د لوګر دکرنې ریاست د همکارو مؤسسو په مرسته هلې ځلې کوي، چې په دې ولایت کې د کرنې او مالدارۍ اړوند ګټور پروژې پلي کړي.
