د لوګر دکرنې ریاست: د پل علم ښار پر بڼوالو ۱۵۰۰ اصله تصدیق شوي نیالګي ووېشل شول
د لوګر دکرنې، اوبولګولو او مالدارۍ ریاست د کرنې وزارت د کرنیز پراختیا صندوق «ADF» په همکارۍ ددې ولایت د مرکز پل علم پر یوشمېر اړمنو بڼوالو ۱۵۰۰ اصله د مېوو تصدیق شوي نیالګي وېشلي دي.
ددغو نیالګیو په وېش غونډه کې د لوګر دکرنې ریاست چارواکو او د کرنیز پراختیا صندوق د استازو ترڅنګ ددې سیمې یوشمېر بزګران او ګڼو بڼوالو ګډون کړی وو.
په وېشل شویو نیالونوکې د مڼو اوشفتالو نیالونه شامل دي، چې دکرنیزو چوپړونو آمر د دغه خیریه بنسټ له مسؤولینو د مننې تر څنګ پر بڼوالو غږ وکړ ترڅو نیالګي په سمه توګه وکري او ترې ساتنه وکړي.
باید وویل شي، چې د لوګر د کرنې ریاست له دې مخکې هم د دې ولایت بېلابېلو ولسوالیو کې پربڼوالو زرګونه اصله مېوه لرونکي اوغیر مېوه لرونکي نیالګي وېشلي دي.
