د لغمان ۱۷۶ بڼوالو سره د اړینو توکو او کیمیاوي سرو مرسته وشوه

۳۰ غبرګولی ۱۴۰۲ه‍.ش
۲ ذی‌الحِجّة ۱۴۴۴ ه‍.ق
د لغمان دکرنې، اوبولګولو او مالدارۍ ریاست د «Roots of Peace-ROP» مؤسسې په همکارۍ ددې ولایت د مرکز مهترلام او قرغیو ولسوالی پر ۱۷۶ بڼوالو د بڼوالۍ اړونده توکي او کیمیاوي سرې وېشلي دي.
د لغمان دکرنې ریاست چارواکي وایي، چې «Roots of Peace-ROP» مؤسسې له خوا د لغمان مرکز مهترلام او ددې ولایت قرغیو ولسوالی کې له ۴۶ شوراګانو سره د بڼوالۍ د پراختیا په برخه کې فعالیتونه ترسره کوي، چې له دې ډلې تېر کال ۱۷۶ بزګرانو ته د سټروسو ۲۱۵ جریبه بڼونه جوړ شوي دي.
د لغمان دکرنې ریاست وایي، چې «Roots of Peace-ROP» مؤسسې له خوا د یادو بڼونو پر بڼوالو د بڼوالۍ اړونده توکي، چې په کې د ښاخ برۍ قیچي، اره او ترڅنګ یې د حشراتو ضد درمل او یوریا سرې وېشل شوي دي.
د چارواکو په خبره یاد بڼوال د مسلکي چارو د پرمخ وړولو په پار روزنه هم ورکړل شوي دي.
د لغمان دکرنې ریاست هلې ځلې کوي، چې په دې ولایت د بزګرانو او بڼوالو اقتصادي ودې ته زمینه برابره او ارزښت لرونکي پروژې پلي کړي.